Euskararen egunaren atarian gaude, eta bihar hamaika ekimen ospatuko dira.

Gai honi lotuta ekimen batzuk aurkeztu nahi dizkizuet:

1. Bideo bat, Facebooken aukitutakoa:

Jakingo duzuenez ezkero, igandean Athletic eta Realeko artean derbya jokatua dela eta normalean horrelako egunetan giroa asko berotzen da. Bihar Euskararen Eguna dela eta, euskararen aldeko bideo polit hau ikusterakoan poztu egin naiz.

2. Nabigatu Euskaraz! ekimena:

Code Syntax enpresak martxan jarri duen kanpania bat da, Euskararen erabilera bultazateko interneten. Nola? Gure nabigatzailearen hizkuntza euskara izan dadin animatuz eta konfiguratzeko azalpenak ematen. Adibide praktiko bat webgune honetan ikus daiteke, gaztelaniaz dutenek nabigatzailea, halako webgune bat bisitatzean goiburuan barra bat agertzen ikusiko dutela. Barra hori ohar argi honekin hasten da:

Urtebete daramat HTC Magic smartphone-arekin (telefono mugikor bat) eta oso pozik nago Android sistema eragilearekin. Agian faltan botatzen dudan gauza bat telefonoa euskaraz izatea baina badirudi euskaratzen ari direla…

Hamaika Telebistako webgunetik bideo bat ikusi dut, hain zuzen ere Albisteak 2.0 saioarena:

Euskeratze hori oraindik ez dago guztiz bukatuta, baina aurrekoan euskeraketa horiek Android mugikor baten nola integratu ikertzen ibili ziren hainbat erabiltzailek. Azkenean asmatu zuten nola egin, eta bideotxo bat grabatu zuten froga batzuekin:

Gogoratu oraindik euskeraketak amaitu gabe daudela! Gutxi falta zaie %100era heltzeko!

AEKk Euskal Herri osoan zehar antolatzen duen Korrika  (euskararen aldeko lasterketa) berriro martxan da (Martxoaren 26tik apirilaren 5erarte).

+ info: korrika.org webgunean

Kepa Enbeitia “Urretxindorra” ( 1878-1942), euskal idazle eta bertsolari bizkaitarra izan zen.

Baina ez zen bertsolari hutsa. Abertzaletasuna erraietan sentitzen zuelarik, eta Txirritarekin izandako erronkaren ondorio, sabindarrek mitinetara eta Aberri Egunetara eramaten zuten berba egitera. Mintzaldietan bezala baita bertsoetan ere, abertzaletasuna, euskalduntasuna, hizkuntza, aberria, fedea eta baserria bezalako gaiak erabili zituen maizen; zehazkiago esanda, euskara eta gurutzea dira Kepa Enbeitaren mezuaren zutabeak, topikorik errepikatuenak eta armak.

Eibarren 1920an 30.000 lagunen aurrean, norbaitek “Viva España!” oihukatu ostean botatako bertsoa dugu ezagunenetariko bat:

Viva España! didarka gagoz
nik ere “viva” dirakusat
gorrotorikan ez dagolako
nigandik Españarrentzat.
Katolikoak jakin bear du
zer diñon goiko juezak:
bestenari bakean utzi,
zaindu bakotxak beretzat.
Viva España! diñok berriz be,
izan bei españarrentzat
baina ba diot Gora Euzkadi!
guria ta guretzat

puntueus

Euskara eta euskal kulturarentzat dominio propioa sortzeko ekimena.

+ info: http://www.puntueus.org/

Ostiralero Musika jartzen dut, gaur Mikel Laboaren abestia aukeratu dut:

Izarren Hautsa

Izarren hautsa egun batean bilakatu zen bizigai,
hauts hartatikan uste gabean noizpait giñaden gu ernai.
Eta horrela bizitzen gera sortuz ta sortuz gure aukera
atsedenik hartu gabe: lana egiñaz goaz aurrera
kate horretan denok batera gogorki loturik gaude.

Gizonak ba du inguru latz bat menperatzeko premia,
burruka hortan bizi da eta hori du bere egia.
Ekin ta ekin bilatzen ditu, saiatze hortan ezin gelditu,
jakintza eta argia; bide ilunak nekez aurkitu
lege berriak noizpait erditu, hortan jokatuz bizia.

Gizonen lana jakintza dugu: ezagutuz aldatzea,
naturarekin bat izan eta harremanentan sartzea.
Eta indarrak ongi errotuz, gure sustraiak lurrari lotuz,
bertatikan irautea: ezaren gudaz baietza sortuz,
ukazioa legetzat hartuz beti aurrera joatea.

Ez dadukanak ongi ahi daki euketzea zein den ona,
bere premiak bete nahirik beti bizi da gizona.
Gu ere zerbait ba gera eta gauden tokitik hemendik bertan
saia gaitezen ikusten: amets eroak bazterturikan,
sasi zikiûak behingoz erreta bide on bat aukeratzen.

Gu sortu ginen enbor beretik sortuko dira besteak,
burruka hortan iraungo duten zuhaitz-ardaska gazteak.
Beren aukeren jabe eraikiz ta erortzean berriro jaikiz
ibiltzen joanen direnak : gertakizunen indar ta argiz
gure ametsa arrazoi garbiz egiztatuko dutenak.

Eta ametsa bilakaturik egiaren antziduri
herri zahar batek bide berritik ekingo dio urduri;
guztian lana guztien esku jasoko dute sendo ta prestu,
beren bizitzen edargai; diru zakarrak bihotzik eztu,
lotuko dute gogor ta hestu haz ez dadin gizonen gain.
…

Abenduaren 5etik 8ra egingo da 43. Durangoko Euskal Liburu eta Disko Azoka.

Euskararen Nazioarteko Eguna ospatzeko hainbat ekitaldi antolatu dira.

Ekitaldi berritzaileena, abenduaren 5ean, arratsaldeko 20etan Bilboko Plaza Barrian kontzertu interaktiboa izango da GOSE, UNE eta BETAGARRI musika talde euskaldunekin.

Kontzertura hurbiltzen diren pertsonak ez dira entzule izango bakarrik, baldin eta  modu diferentetan parte hartzeko aukera izango bait dute teknologia berrieri esker.

+ info: Bizkaia.net

Mikel Laboa abeslaria gaur goizaldean hil da Donostiako ospitalean 74 urterekin.

Mikel Laboa Donostiako Alde Zaharrean jaio zen 1934.  urtean. Medikuntza ikasketak hasi zituen 1953an eta 1963an amaitu zuen, 1967an haur neurosikiatrian espezializatuz.

1960ko hamarkadan Ez Dok Amairu osatzen du beste hainbat euskal artistarekin. Bertan, batez ere Benito Lertxundirekin batera, euskal kanta berria sortzen dute. Estilo tradizionala eta berriak elkartzu eta Bertolt Brecht bezalako autoreen letrak abesten dituzte. Lekeitioak abesti sorta ere sortzen ditu, oihu eta zarata esperimentalekin.

Goian Bego.

Tagzania folksonomiaren bitartez Google Mapsen APIan etiketak zehazteko sistema da. Tagzania aplikazioa Tagzania Services enpresak garatua da, eta azken hau, CodeSyntax-ek sortutakoa.

Orain Tagzaniaren webgune berria plazaratu dute eibartarrak.